مازلت نا هونا لادرت حوش ولا لقيت مراء انموت خيرلى مازال نا العزابى ومازال نرجا فى القروض وعابى ومازال تحت الحيط نا وصحابى لابيع بعنا ولاهناك شراء وياصاحبى بالحال مانك غابى تمت علينا جايزه الزكاه وين ما نقول تهوني... تجي صورتك هذيك بين عيوني... تزيدي غلا وين مـــا نقـول نهونك ... يلي مذيبلني سواد عيونك لا حذاك في الدنيا علم لا دونك ...ولكن خسارة فيك عاكس عوني الخاطر شرب كاس سم اللفاعي وعايش ايداعى ويكمى فعبرات يوم الوداعي الخاطر شرب كاس سم الهو ايش محسوب موش عايش يكمي فعبرات مر وغشايش وعقلي بعد رزنتا تم طايش امخرب اطباعي ايجيب صورتك حتى وان ضل واعي عندي عقل من قل الرفيـق الساعة عام فحسابه اتمـر وعندي فكر ذاهب في الطريق بقى محتار مو عارف ايمـر وعندي عزم ما ينفع رقيـق لا حمـال لا عمـره صبـر وعندي نفس خانقها الضيـق دال الياس غير وين المفـر طلب تمنى ياربيع العمر ادلل عليا وزاد تأمر أمر لكن عليا مانهار اتغيب أغيابك عليا كيف لذع الجمر يادليل الخاطر ياللي بلاك العقل ديما جاضر لحظة بلاك القلب ماهو صابر عمري كتبتة معاك سطر بسطر مازلت يا حلمي الثقيل ثقيل **وقاطع انفاسي ومازلت يا قلبي العليل عليل **ولا من يواسي ومازال يا دموعي تسيل ** والقلب ناسي لوكنت نعلم قبل قلبك قاسي** لاشقيت بيك ولا وجعني راسي منامي جاب نظيف الخد ونا راقد تهيالي نحسابه بجد حاولت ننسى مـا القيـت عزايـميا مصعب النسيـان عللـي هايـم حـاولـت ننـسـى غـــرورك ونبعد عليـك ونتركـك لشعـورك لكـن حنينـي شالنـي لبحـورك ولقيت نفسي فـي غريقـك عايـم صــعـــب نـسـيــانــك وصعب على غيرك ايجي في مكانك بعد مـا روينـا شاربيـن حنانـك نموت بالعطش عالغير صايم صايم خيرك ياعين تغششتي .. شن فتشتي .. لين جروح الخاطر نشتي مرايفيـن حبينـا عليـك انمسـو بريافنـا ياريـت يـوم اتحـسـوا عـلــيــك امـــرايـــف وان كان نشغلك راني ربيع وصايف طول اغيابـك يـا حبيبـي خايـف تهجر ونحنـا عالسـراب انرسـو يا طويل السالف يلى على صوتك العقل اموالف قاطع عروق القلب قطع مخالف لين الكلام عليه يصعب فرزه ياجميل الغمزه كيف ما طعن وحشى برمحه حمزه طـــــــــــــــــــاعن كنيني روفي عليا ياامنـاي وحنـي ... صبري كمل مرسولكم مستنـي وين الدنيا وين عربها وين عيون سماح هدبها وين اصحاب الفزعة ديمة فزعتهم للعين طربها وين اصحاب الروح احبابي بسمتهم كانت مقربها يا ريت ايعودن ليام ويعاود للعين طربها دز رساله ونا نجاوبك ع العقل كيف جراله بقي من غلاك مريض هدا حاله اسهي لين نيران الغرام كلنه رن وجامل بلاك خاطري ماعاد ساعه حامل ونا عادرك كنهو رصيدك كامل المهم حاول يا سمح طمنا لي قلب امفارق محبوبه يكابر عالجرح اللي فيه ماسك دمعاته بهذوبـه يحساب البعـد اينسيـه ثاريت النسيان اكذوبـة ماغالي ينسى غاليـه عالكرت نملا كرت من سحر صوتك في الغرام اسكرت أنا مدمنك ندير نغمتك نبظة القلب الحاني وبالدم نرسلك مرايف راني ولك نشحن النقال من شرياني وعالصامت اندير الشوق كان نكرت قالولي انساه اتهنى وريح بالك منة قلتلهم من ينسى روحة.... من ينسى اماله وطموحة؟؟ حتى وين انغمض عيني ... ونستنى في النوم ايجيني نلقى طيفة تحت اجفوني....انقولة يانوم استنى خلي عيني تشبع منه نا عندي نفس لاتخون غلاها .... ولا تروم جافي بلا سبب عاداها عاشت مع اللي يعرفو مبداها ... لها قدر منهم كل وقت ايجيها نافكرتي اتعبر علي معناها.... ماانلومها تحكي على ماضيها الدنيا علي كل حال جربناها .... عرفنا وفاها ونقصها اللي فيها الناس دايرة الاصحاب يوم الطربة وانا صاحبي نبيه يوم الكربة يوم الضقية يوم حوست الخاطر وجفت ريقه يوم صورة الحاب تبان حقيقة سوا صافية ولا اتجي منحرقة كل يوم تام رصيدى.... وانتى ترنى طالبه مواعيدى نسلف وناخد دين ماهو بيدى....الله يلعن النقال فيه حصلت حنا مانرافقو غير في الزين ولد بيت مرفوع شانه وين تطلبه يجيك في الحين لا لخبطه لاشطانه دوم في العلا كيف شاهين مايوم ينزل عفانه عصران مايغوص في الطين بعيد النظر صاحب فطانه لا حن قلب ولا عيون تباكن .. ولا العقل منك شال جاي وغادي يا ريتني متهني .. لا بجرح نشكي لا غلاك سكني ولا بقيتي جزء فيا ومنّي .. ولا تخطري وقت انجي لوسادي ياللي عزيز مكانك ....مازال قلبي ع الوفا ماخانك مانبدلك مازال قلبي وافي.....ومازال نابض بالحنان الدافي مــــــوحال يبخل بالعطا مجدافي....لين يوصلة مركب غلاي حنانك يهون عليا من اجنون اريافي.....ويبقى مقرة في ربوع اوطانك روفــــــي قـــولــــي ... كلمه اتخفـف حيرتـي واحمولـي سواء كانها بالرفـض ولا اقبولـي ... خيـر مـن اقعادي هكذا مستـنـي لا مكسما لا كيه ... انسي غلاي واتركي يابنيه ... الله والنبي لامكسما لافلوس ... لامال عندي لا سحر لافانوس ولا كنز من جدي ظهر مدسوس ... راتب ضمان وما وصل للميه وانتي الحاله زايطه بفلوس ... تجيبي شقف اسماح للكلية ونقال فيدك ملك ليك اخصوص ... تكلمي البابا هيا روح بيا قولي لباتك فاتحيه اخصوص ... يشبحلي ترى تعيين في الشعبيه وتبقي معايا يامناي عروس ... الفلوس منك والحنان عليا لامكسما لا كيه ... انسي غلاي واتركي يابنية ... الله والنبي ن كان ياعزيز اغنيت. نا انحمل عازات الجفا وان عاز ياعزيز اقسمت .... تزهى العين طول عمرها ان غاليت ........تاخذ قلب مفتوح ياعزيز للغلا وان جافيت...... تلقى عزم صبار ياعزيز عالجفا ايش جابرك ياقلب رد عليا ... ايش جابرك عالموجعه والسيه ياقلب بلاش محنا بعد ما ينكرك مازال تبي منا وين ينشدوك تقول كنت نحبه هو باعني والعيب ما هو فيا ياقلب انسى غرامه وانسى صوته ومشيته وكلامه وخلي حياتك ماشيه عاديه امجور غلاكـم ليـن هـد حيولـي ... ماالقيت من عـاون وحاشـا عنـي معاكم بقي بالحيـل كابـر هولـي ... بعد فيك ريت عيـون سـم سقنـي انحس وين ماتبقى احداي اتجولـي ... اتقول روح من جسمي انتزعت مني خائف يصير معاى كصدام.....وياخد غلاى معاك حكم اعدام. خائف تصير الخونه... وتنسى غرامى ياعزيز اتخونه... نهار عيد تذبحنى بكل رعونه....يشمتوا فيا عقاب اقزام مصيونه في الخاطر كنتي ... لكن خنتي...وفيت بعهدي ماصنتي كنتي في الخاطر مصيونه ... بين عيونه ... لكن كافيتي بالخونه خليتي كبدي مسحونه...امنين طعنتي ... سيفك في ظهري مكنتي طلعتي ليغيري بليونه... فيسع لنتي...في لحظة ليه استسلمتي وليتي عبده في كونه ... بيه حلمتي ... قصة حب معاه ضمنتي مصيونه كنتي يا لللا... لكن والله ... قدرك طاح تحطم كله كنتي ورد نسيم وفله... لكن هنتي... مكروهه في عيني شنتي قلبك جاه ابليس وضله...ماقاومتي...صرحتي بعيبك بينتي زيد يا زمان اقهرنى وسع اجروحى زين ما تعبرنى خود غايتك ... زيد اوجاعى قول يا زها عدى اومالك داعى اضغط على قلبى الى ملتاعى على حب راح وفى الكنين سعرنى زيد اهمومى سيل ادموعى نين يجفل نومى املا حياتى نو زيد اغيومى وفجر انهار الحزن من ينبوعى خليك بعيد مادام قربك فى الجروح يزيد الله يربحك ... ليش تخايل وانا من غرامك شى مانى طايل لا بيك يسقم البخت المايل ولا بسمتى تقدر اليوم اتعيد روفـــــي بــيا... لي وقت شاقي بغيتك ياابنيـه امراجي ثلاث اشهور بالعديـه... مرسول منكـم مالفـا طمنـي مانك الا غلطانه...حسك رقيق وشفرتك لبيانا ترنى عقاب الليل يامريوحه ...ويا قاعده فى الحوش كيف اللوحه...انا عارفه النقال كيف اطروحه ياكبر خوفى تطلعى شوشانا ياقلب عندي احباب ماتنساهم تصون ودهم وتحفظ عزيز غلاهم انتم زها للعين وين تراكم ... وانتم شعور الحال يا محلاكم ... وانتم ونس الايام في ملقاكم ... لاتغيبوا يلي جميل اسماكم ... يا ما بكيت عليها... وهي زاد تبكي ونا انودع فيها ... يوم السفر مـاني نـاكــر... بكايا عليها في الصباح الباكر وهي زاد تبكي ماسكه التذاكر... امنين ما ايديا لامسن ايديها صار الوداع مغير ماني فاكر... مغمي علينا كل حد في جيهه يـكـيـت بـحـرقـه ... ونا ف الصعود وفي السلالم نرقى سيل م الدموع النازفه بالدرقه ... بيدي انكفف غير واحل فيها الله لاتعودك يا أيام الفرقه ... امجرّب وغيري ما انودّه بيها خـلــك مـعــاي حــنــون تكسـب غـلاي وتربـح المليـون من غير اسئله تــكــســب حـــبــــي ... وللي تطلبه يبقـي احـداك ملبـي وانجيـك بالتاكيـد كـي ماتـبـي ... من غيـر قسـوه ياعزيـز اتمـون انت علتـي وانـت شفـاي وطبـي ... واحلي زهـره مفتحـه فـي الكـون ياعمر ضاع بلاش ... ويانهر موتنا حداه عطاش ياعمر ضاع حسايف ... وياحلم عايش به لقيته زايف وياقلب كملهن أيامه خايف ... وياجرح وسط الكبد مايبراش نرجو فيك ياغايب اتجينا ... بعدك طال طولت الغياب ... انكان نسيت احنا مانسينا ... دز العذر كان عندك اسباب ... انكان اتقول في حقك اخطينا ... هات الدليل واحكم بالصواب ... نرجو فيك يا غايب اترد ... عز العمر عدا في رجاك
غناء العزايز يوم الحناء قالت ام العريس .. يا أم اشروط اتقول شكاوى ... ياريت ولدنا ماهو غاوى ................ ام العروس .. ولدكم ما درنالا شى ... جانا يجري كا الجدي ................ ام العريس .. عروسك يا خايل الاباس ... جراده تشعبط ع الساس ................. ام العروس .. ها البشوبو الى جبتنا ... كان اتريدنا خودنا ................. ام العريس .. لانك عين ولانك جمه ... ولانك من عيله تسما ياسلم جياب الدبله ...فرح ها العيله المنهبلا سيقانك سيقان دجاجه... ما جيناك الا من العازه ................. ام العروس .. ولدكم بو كرعين اكبار ... جانا يجرى كا الحمار ................. ام العريس .. بو عين كبيره فلا ته ... لو ماجاها راهى جاته
