حنون امعاي ولا تغيب عني ولا تهون غلاي خليك يالغالي حنون ووافي وخليك ديما في حنانك صافي وأنت النفس وأنت دواي الشافي وإنت الغلا وإنت حدود امناي وأنت اللي تعرف صحيح إريافي وأنت اللي تفهم نسيم هواي صعدت فوق السطح أشكي للهواء همي كل البنات عرسوا وأنا للحين عند أمي تخطر ديما ليك في حنايا القلب قدر وقيمة لو كان ما تخطر تكون ظليمة ما هزت الدنيا من الرأس شعرة لكن كلامك هز كامل كياني ولا حد قبلك خذي من الحب قطرة بس أنت أخذت صافي حناني يكفي من عيونك ولو بس نظرة أعيش معك الحب في جو ثاني ريدي وين خطر يا عيني طار النوم وزاد حنيني بلا خوت ما نقدرها الدنيا صعيبة كان جاك خبرها بلا خوت ما لك هيبة وبلا خوت ما تسوي تراب زريبة بلا خوت ما لك والي ولانك حبيب الناس ولانك غالي يا خوي راني خوك ما تنساني للي تجرحك يا زين ما نريدوها وللي تريدها تفداك يا عن بوها ما نقربها ونحاول بجدِ الجهد نجنِّبها كان غير حاجة حضرتك طالبها حتى بقطع ارقابنا انجيبوها واندقوا الصلابة لين تسترطبها وترخص فداك الغالية نشروها ماني ناسي ننشد علي أحبابي وأغلي ناسي نبعث سلام وشوق ماني ناسي صاحب الناس وقيس بعيونك وكل حد قيسه بالميزان تعرف اللي موحال يوم يهونك وتعرف اللي نفسه خبيثة تبان وتعرف اللي يفزع ويوقف دونك وتعرف اللي زايف غلا وحنان ما يغرك كلام ولا اتخيب ظنونك مرات صاحبك يصاحبك بلسان وارحل ودور يا صاحبي في كونك ما تلقي غوالي كيفنا موحال كلك روعة عز الرفق وأصل الكرَم وفروعه يا بو مكانه عالية مرفوعة عليا ساهي مش عادتك صرف النظر يا باهي كيف طاوعك قلبك عليا ساهي مشيلهم وطمني قول للغوالي شيء وأكِد عني غلاهم رفيق القلب قطعة مني شيء اعجوبه قدره وغلاه ورقته وأسلوبه رفقت الصاحب الزين شيء اعجوبه كيف الرشة تخبط الطير وتقتله في عشه غلاك دخل في القلب كيف الرشة سلامي ميزة علي ناس في نجع التريس ركيزة انسلم عليكم وأني سلامي ميزة لو كان نبض القلب يوقف دقه نبقي نسيتك يا عيوني حقه لو يبعثوا بدل الرسائل دم نفتح وريدي ليك لين يتم عندي غلا لو كان ليك اندزه تنسي روحك واللي احداك تلزه راني وافي وين ما علي تبعد يزيد إريافي معاك في الغلا يا زين راني وافي درتك عزيز وغالي ودرتك اللي في القلب شانك عالي ودرتك ربيع اسنيني ودرتك اللي بيه تزهي عيني ودرتك الروح اللي ترافق روحي ودرتك مسندي وذراعي ودرتك نسوتي لأوجاعي ودرتك مكان أسراري ودرتك شريك أفكاري ودرتك ودرتك ودرتك ... وشن درتني يا غالي ؟ عالصامت حطيت جُروحي كاثر نوحي نشكي في همي لروحي غلاكم عندي كيف التايب باص عيون ولعب عجايب يا اعزاز دزولي دواء للشوق لا قدرت نصبر ولا قدرت نروق دزولي دواء هنوني يللي عليكم حايسات عيوني كنكم معايا ليش حيرتوني ساعة منام الناس سهرتوني مشتاق فوق الشوق شوق زيادة علي من يطَرِبْ خاطري بميعاده يا طير طير وعدي وين ما تجي شور الغوالي هدِي عليهم مرايف لين واصل حدِي للي بينا يبقي سنين طويلة اللي بينا ودُ وفاء وإخلاص اللي بينا ما ينتهي في ليلة اللي بينا ما يغيروه الناس ولو كان يديروا ألف حيلة وحيلة ما يخششوا بيناتنا وسواس أنت اللي في ضيقتي نشكيله وأنت اللي محطوط فوق الرأس خاف الدنيا تبعدنا وبلمحة عين تجرحنا وأخاف الناس تحسدنا وتأخذ كل محبتنا لو كان نشكي للبحر بأسراري تنشف أمواجه من لهايب ناري لو كان غير نشكيله بهموم قلبي كلها نحكيله تنشف أمواجه بين يوم وليله ويصبح حمادة خالية وصحاري